أخبار وطنية الاعلامية نزيهة رجيبة: المواطن ضاع بين دروشة النّهضة وخداع النّداء وغوغائيّة الذّبذبات
بعد انتخاب القيادي في حزب نداء تونس محمد الناصر رئيسا لمجلس الشعب والقيادي في حركة النهضة عبد الفتاح مورو نائبا اولا له وفوزية بن فضة عن الإتحاد الوطني الحر نائبة ثانية، نشرت الاعلامية نزيهة رجيبة تدوينة كتبت فيها ما يلي: "باهي يا سيدي تعايش: موش تحالف، وتوافقات موش صفقات ومحاصصات، وناس تحسب في الاصوات باش تبيّن اللي رئيس المجلس ماخذاش اصوات مالنّهضة (و هذا موش صحيح).
وهاذم القوّة الاولى والثّانية اللّي اختارها الشّعب وباتاتي باتاتا.. مالا علاش عسكرتو الشّارع وقسمتوه الى جرذان ونداء تونس اللّي جا وجاب معاه دواء الفار باش يقضي على الجرذان؟؟؟ وعلاش خوّفتو النّاس باعلامكم الرّذيل وبلّعتوهم حربوشة الvote utile وحرمتو تنظيمات أخرى عندها قيمتها من التّواجد في المجلس وقعدتو يمين ديني مع يمين ليبرالي؟؟؟!!!
الجواب هو أنّ نداء تونس حزب مخادع غير نزيه وغلّط ناخبيه وأنّو فعلا الابن الشّرعي للتّجمّع في مغالطاتو وكذبو وغدرو. ضيّعنا شهور وشهور في الانتظار والمعاناة.. في دروشة النّهضة وخداع النّداء وغوغائيّة الذّبذبات. باش في الأخّر نعطيو شرعيّة الصّندوق لها المؤامرة السّخيفة. "
